Annotatsiya:

Annotatsiya: Ushbu maqolada madaniy turizmni rivojlantirish bo‘yicha xorij tajribasining O‘zbekiston sharoitida amaliy qo‘llanish yo‘llari chuqur tahlil qilindi. O‘zbekiston Respublikasida turizm sohasini rivojlantirish davlat siyosatining ustuvor yo‘nalishlaridan biri hisoblanib, ayniqsa, mamlakatimizning boy madaniy-tarixiy merosi, yodgorliklari, qadimiy shaharlar va arxeologik obyektlar xalqaro turizm uchun katta imkoniyatlar yaratadi. Shu bilan birga, zamonaviy axborotkommunikatsiya texnologiyalarining jadal rivojlanishi madaniy meros obyektlarini raqamlashtirish, virtual turlar yaratish va innovatsion xizmatlarni shakllantirish orqali ularning iqtisodiy salohiyatini oshirish imkonini bermoqda.