Annotatsiya:

Annotatsiya: Mazkur maqolada xizmat ko‘rsatish korxonalarida xodimlar mehnat unumdorligini oshirishda zamonaviy inson resurslarini boshqarish (HRM) texnologiyalarining tashkiliy-iqtisodiy imkoniyatlari tadqiq etiladi. Elektron HRM (e-HRM), HRIS, HR-analitika, xodimlarni raqamli o‘qitish, smenalarni algoritmik rejalashtirish hamda samaradorlik ko‘rsatkichlarini boshqarish vositalari tizimlashtiriladi. O‘zbekiston bozor xizmatlari hajmi to‘g‘risidagi rasmiy ma’lumotlar sektorning iqtisodiy ko‘lami sifatida tahlil qilinadi. Xodim-soatga to‘g‘ri keladigan standartlashtirilgan xizmatlar, xizmat sifati, raqamli kompetensiya va kadrlar qo‘nimsizligi kabi mezonlarni birlashtiruvchi maqsadli integral indeks hamda loyiha rentabelligini baholash usuli taklif etiladi. Shartli korxona misolida 3 yillik pul oqimlari va sezgirlik tahlili hisoblangan. Keltirilgan korxona ko‘rsatkichlari amaldagi korxonadan olingan empirik natijalar emas. Natijalar HRM loyihalarini tanlash va baholash bo‘yicha amaliy tavsiyalarni asoslashga xizmat qiladi.